Anelamënt di uciei.

L anelamënt di uciei juda a cunescer miec l cumpurtamënt di uciei ti metan na ringla numereda te na giama. A chësta maniera posses cuntrolé si cumpurtamënt te n tëmp plu lonch  canche i vën inò piei o abienei morc. Canche i uciei vën piei cun na rë o teuc ora de coa per i anelé, veni n iede muserei, pesëi y cialá sce l se trata de n ucel jëun o n mandl  o baibl. I dac vën pona mandei te na zentrala che ie lieda  cun autra zentreles y tlo iesun prësc boni de abiné ora de ce ucel che l se trata canche ti vën fat alsavëi l nuemer dl anel sce n tel ucel vën inò pià.

Per anelé uciei muessa un avëi na lizenza y tlo muessen fé n ejam a livel naziunel. Chësc ejam ie scialdi rie y n muessa savëi da recunescer passa 150 sortes de uciei te uni particuler y chël uel di che dovia iel ani de studi.

De nosta lia  ie Marco Obletter y Iacun Prugger che à arjont l ejam per anelé uciei. Ëi l fej bele da n valgun ani chësc lëur y à bele metù ringles truep uciei y de uni sort. Canche n à tla man n ucel veniel nce fotografà y muserà la lunghëzza de certa plumes dl eles che juda a abiné ora l ses y l’età dl ucel. Chësc pudëis udëi sun i links tlo dessot cun fotografies fates n gran pert da Marco Obletter y Jacun Prugger. Ëi à nce njenià ca la plates cun la fotografies per la plata internet.