Jita a Laion ai 22 de auril 2006

De 7 sons furnei daduman a Laion. Ilò ons lascià i auti y jitsc do la streda tres prei y bosc ju dl viers de Albions. L tëmp fova scialdi bel, n ucajion de udëi mpuë duta la sortes de uciei che vën dant te chël raion. Prësc ons udù sun n lën da fuëia n blot peamosces fosch (Trauerschnäpper), l fova na baibl. Puech do ons udù daujin te pra n granelin d'or (Goldammer). L fova n bel mandl che se criva da maié y on pudù ti cialé giut. A passé tres l bosch dan Albions ons audì ciantan 3 sortes de archëc: l archët ciantarin, l archët taculà y l archet di snevri. On nce audì l cuch. Tl luech de Albions fovel sun n lën da mëiles n raidacë (Wendehals) y tl air ons udù na rondula da sas. Da Albions ne sons nia jic inant a Tluses coche udù dan ora, ma on fat na raida de n auter viers y su inò de reviers a Laion ulache se on mo bu zeche da l ost sun plaza.