Jita te val de martell ai 9 de juni 2003

La jita te Martell ons metù a ji per udëi na vealeda nteressanta y speran nce de udëi l valtoi dala berba (Bartgeier - gipeto - gypaëtus barbatus). Tl  ann 2000 y 2002 ie stat ilò metui ora 4 de chisc valtoies jëuni. Chësc fej pert de n program per tré su chësc ucel da nuëf tla elpes do che l ie stat mancia per passa 100 ani.

La jita ie stata scialdi bela ajache l tëmp à judà pea y on udù de bela montes y de biei luesc da paur. Uciei drët nteressanc che on udù ie l ucel dla regina (Neuntöter) y l granelin (Zippammer). Me un ucel se manciova mo. L valtoi dala berba.

Dan muever dl viers de cësa udons mo alauta tl ciel n majer ucel che univa de nosc viers. L fova bel mpont l valtoi dala berba. On pudù l usservé coche l passova sëura nëus via y on udù avisa la plumes blances dl ela a man drëta che ie l senì per recunescer de ciun valtoi che l se trata danter chëi che ie ie unic metui ora.

Nscì ons pudù jì a cësa cuntënc y junté ala lista di uciei che on udù nce l valtoi dala berba.

 

Avisa nscila ons udù da sot su l valtoi. L se tratova de n jëunn ajache l fova scialdi scur.

L valtoi dala berba ie permò cun 6 ani madur per se reprodujer.

 

 

 

 

 

N muessa for inò cialé do y cunfrunté per se ntender miec dainora.

16 fova pea al jita. Tlò vën cunscidreda la luegia ulache ie stai metui ora i valtoies. 

Chisc i uciei che on udù:

Mierla da lega

Ucel de S.Maria scur  

L Cucia  

Flinch

Ucel dla regina   

Cassula

Cassula da mont

Pecalën cueciun

Pecarel

Mierla  

Cuch

Mosula codalongia

Mosula grija

Mosula ghiëla  

Rondula blancia

Rondula da crëp

Granelin

Valtoi dala berba

Puiana

Eguia

Cruton

Corf

Gacia dal selin

Archët ciantarin

Archët dala culieria

Fuschët dala cazina

Pitl fuschët

Zilpzalp