Jita sun la Villanderer Alm ai 3 de lugio 2005

Pra la jita fata sun la Villanderer Alm ons abù n tëmp de maruëia y na blota cumpania de 20 persones dater pitli y granc.

L ie stat da udëi truep uciei y danter chisc en valguni che ulëssi auzé ora. Te chi biei lec do la capela "Am Toten" ju, ons udù la Krickente che ie na pitla aucia che n ne veiga nia tan suvënz tlo da nëus, davia che la passa l'instà plu al nord y l'inviern a sud dl Europa. Tlo fovel na famila cun 7  pitli y l e povester l'unica cueda tlo te Südtirol.

A ji  pona dl viers dla Steffel Hütte audiven uni tant la Wachtel sciblan. Chësc ucel dala coda curta che fej pert dla familia dla gialines (Hühnervögel) ie rie da udëi ora danter i barantli o ierbes y suvënz iel propi me pervia de si scibli che n ie segures de si prejenza.

Dan ruvé pona inò japé pra la plaza dai auti julova mo sëura l lech artifiziel plu sortes de rondules y danter chëstes fova nce n valguna rondulers da mont (Alpensegler) che ie l majer ucel dla familia di Segler y che se tën su la gran pert sëura l ëur dl bosch. L cumpurtamënt ie sciche chël dla rondules da sas, me che l ie majer y l à l vënter blanch. (Paul Laimer)

Krickente

Schwimmenten wie die Krickente nehmen ihre Nahrung meist von der Wasseroberfläche auf. Mit ihren langen, spitzen Flügeln können sie sich leicht und ohne Anlauf von der Wasseroberfläche in die Luft erheben. Die Krickente ist die kleinste Schwimmentenart. Ihren Namen hat sie vom Balzlaut "Krickpfiff" des Erpels erhalten, der in verschiedenen Varianten auch bei anderen Verhaltensweisen verwendet wird.
In der Schweiz gibt es regelmässige Brutnachweise von der Krickente.