W. Stockner W. Stockner

N carmin-chimpl a Urtijëi

Ai 2 de juni 2022 se à fermà n carmin-chimpl tla streda Scurcià

Ai 2 de juni dl 2022, passan dlongia la cësa di ujins tla streda Scurcià a Urtijëi me à dat tl uedl n ucel che fova sentà sun n lën. Per si culëures y si grandëza semiovel a n sboz y ajache ove iust la rola njenieda dlongia mé, me ei riesc ulù paré l bunder. É udù l cë tipich da flinch y nscila ei bele debota ntendù che l ne pudova nia vester n sboz. 

Pona se à cumplicà mpue la storia, davia che ne me tumova ite deguna sort de ucel cun tei culëures y n tel cialé ora. Y dan che é pudù ti cialé mo miec, iel inò sparì. Dassëira ei pona cialà do a puntin ti libri duta la baibles y i jëuni dla sortes plu desferëntes de flinc. Ma coche la à ulù vester, me l ei pona inò desmincià, nchin che l di do ei udù na foto de na baibl de carmin-chimpl ududa da n'autra pert dla provinzia. Chësta foto me à judà a capì che nce ie ove udù na baibl dl carmin-chimpl (Karmingimpel, ciuffolotto scarlatto, Carpodacus erythrinus), ulache la baibl ne dà nia tan tl uedl cun si culëures smorc permez ai mandli che à n piet cuecen carmin. L ie stata la prima usservazion te Gherdëina y ntëurvia.

Egon Comploi

Sustenide la lia, i uciei y la natura, on de bujën de uni aiut!

Cassa Raiffeisen Ciastel - Sureghes
"Verein für Vogelkunde Gröden"
IBAN: IT 75 F 08056 23120 000302071746
BIC: RZSBIT21211

 

Cuntat

info@remove-this.uciei.it 

St.Nr.-Cod.Fisc.: 94155730214

Partner

Diese Seite verwendet Cookies. Mit der Nutzung dieser Seite stimmen Sie der Verwendung von Cookies zu. Für mehr Informationen über die von dieser Seite verwendeten Cookies folgen Sie bitte dem Link auf dieser Seite.
OK