N sada ai 6 de mei sons jita ora per l troi dla posta (Poststeig) a cialé sce vëije velch de nteressant. L fova n beliscimo di da ansciuda, ciaut y cun i lëns dut n flëura. Jan sëura Tanirz ora ei audì ujes de uciei che ne ovi dant propi mo mei audì y ne ove deguna idea de cie che l ëssa pudù se tratè. Nsci ei tëut su la usc cun la app „BirdNET“ che me à riesc dit che l ie bendebò dessegur n grucion. Te chël mumënt me ei ntendù tan alauta ti pëces che l ie y pona ei mpue ciala ncantëur y ne é plu audì nia. Nsci sons jita inant de viers de n ban da l'eves y é spiza la urëdles y cris dassënn, ma purtruep nia da n fé. Me ei nce pensà, che povester se à la app falà y ne à nia tëut su avisa mi registrazion, che me fova bele mo datrai suzedù. Jan inant ei mo pudù fé n valguna de blota usservazions, coche l ucel dla regina. Permo ngalin me ie inò tumeda it chësta registrazion y me é pensà che l fossa mpo da ti jì do ala storia, y nsci à Iacun, cun l aiut de autri pudù cunfermé che l se tratova propi de chësc bel ucel.
Maria Delago
L pluova ai 29 de mei dl 2016 y nsci se à fermà plu grucions tl pra dlongia l luech da Cudan. L ie unì fat al savëi a truep nteressei che à nsci pudù unì adalerch a ti cialé a chisc beliscimi tieres cun tan de biei culëures.
