De chësta gran sort de valtoi, che possa avëi na spana dl'eles nchin a 2,65 m n fovel plu da giut tan che deguna usservazions tla Elpes, nce ajache l valtoi dal cumat ie unì perseghità tl 18. y 19. secul. Mé tla Hohe Tauern n udoven for inò, ajache truep valtoies jëuni dla populazion balcanica jiva iló a passé l instà. Tres mesures de scunanza y dantaldut cun i proiec tl Friul y tla Elpes franzëuses, ulache l n ie unì delibrà tla natura y l ti vën nce metù ora da maië, iesen stac boni dla purté tan inant che i fej inò coa tla Elpes. La doi populazions ie for plu y plu chersciudes y nsci à i valtoi dal cumat inò scumencià a cumparì te autra perts dl'Elpes y nsci ti ultimi ani vel' un nce tlo da nëus. Y nscila ei nce udù un a Laion ai 13 de merz 2021.
N auter ucel che fej for plajëi a udëi y che ie passà n ai 13 de merz 2021 sëura Laion fova na cigonia foscia, n migradëur rer ma che n possa udëi passan uni ann tla Val d'Isarch. Nce ai 11 de mei dl 2019 à Silvia Demetz y Iacun Prugger udù 2 cigonies fosces ti ciei sëura Laion.
Egon Comploi
