L vanel (Kiebitz - pavoncella) ie na sort bendebò rera che passa l inviern tl Sud dl’Europa per se n pië de fauré y de merz inò de reviers ti raions ulache l fej coa. Y propi ntan chisc mënsc iel mesun l udëi nce tlo da nëus y Iacun Prugger à abù chësta fertuna ai 22 de fauré a Spolajes. Tla valeda de Gherdëina iel nchina śën mé un n iede unì udù, Egon Comploi n à udù un sa Cudan. Uni tant, ma dinrer, iesi nce da udëi sun Mont de Sëuc y a Laion. L vanel ie un di uciei che ie l plu manacià dal murì ora, coche duc i autri che fej coa ti prei y te palusc.
